صـــار الزمن في عصــــرنا اليـــــوم مقلـــوب

خذ الغلى واعــط الغلى بـس باسلوب
واعـــــــــــرف من اللي يستحقه ودله

صار الزمن في عصرنا الـيوم مقلوب
الحب ماعاد فيه حـد مخلــــــص(ن)له

كلا يقـــــــــــول ويــدعي حب مسلوب
ويعامـــــــــــــــل احـبابه على كل مله

تلقى الفـــــــــتى عـنده ثلاثين رعبوب
والبنت مـــــــــــــن كـثر التصنع ممله

تهدي لذا بســـــــمـة وذاك انت حبـوب
وهذاك انت ماخــذ العـــــــــــــــقـل كله

وثاني وثالـــــــث ورابـع بحــبــك اذوب
وخلاصة الموضوع كــــــــــذبـــة مجله

ليش المشاعـر أصبــــحـت كلها عـيوب
كل يحاول صاحــــــــــــــــــبــه يـستـغله

وأكبر دعايـة قـــــــــولة الـدمـع مسكوب
حتى يفـجــر كل كامــــــــــــــــــن بخــله

واصلاً فصـول السالفــــــه حـــب مكذوب
ولادمـعـــــــــــــــــــته سالـت ولاجاه عله

وحتى الغبي اصــــــبح له الـيـوم محبوب
في عالــــــــــــــــــــــم كذبـه بــدقه وجلة

وكم حلـــف بالله مافــــــــــــــــيني عيوب
والوقت هــــــــــو يثبت لك الامر كله

وكل السوالف عـــــــبر هاتـف ولاب توب
والي يـقــــــــــــــــــــول انـي مـبالغ اقوله

تأمل سطـــــــــــــــور بعـالم الـنـت مكتوب
واذاكلامــي ماثـــــــــــــــــــــبـت عـنك خله

مأسي تفطــــر مـــــــــــــــن معـانتها قلوب
بفـــــــــــــــــــــعـال من سماهم الناس شله

ذياب بــــــــــــــروس انيابها السـم مسكوب
ضلال تغـــــــــــــــــــــشاها وتسـعى مضله

وسائل الفـــــــــــــــــــــــتنه يسمـونه قروب
واهــــل الخـــــــــــــــنا في عرفهم ناس فله

بنصحك يامــــــــن في هل العـرف محسوب
حب السخافــــــــــــــــــــــــة جنبه في محله