عوافي يابحر جده عوافي

السلام عليكم ورحمة الله وبركاته

قصيدة اختلف من قائلها ولكن نسبت لشاعرة يتيمة ورد لشاعر يدعى عبد اللطيف الحمراني على هذه القصيدة اعجبتني فنقلتها ,,

عوافي يابحر جـدّه عوافـي
ولوبيّحت لك ماكـان خافـي

أمانـه خلّهـا بينـك وبينـي
طلبتك يابحر ماصـار كافـي

دخيلك لا تسولف باللّي شفتـه
من دموع ومشاريه وقوافـي

رد الشاعر عبد اللطيف الحمراني

عوافي يابحر جده عوافي
شكت لك شاعرة باحساس صافي

يتيمة واليتيمة لاشكت لك
تقبل حزنها باحساس دافي

رجيتك يابحر تسمع رجاها
نصتك وحزنها ساتر وضافي

لفتك وتشتكي جور المودة
وظلما يطعن قلوبا رهافي

لفتك وتشتكي مليون علة
وقلبا صار يكسيه السوافي

لفتك وتشتكي جور الحبايب
جفوها وقلبها للشوق لافي

عطاها بالوفا مازال بنبض
ولكن نهرهم صابه جفافي

وفيّه بالوفاء مايوم باقت
ومن باق العهد لاشك هافي

وفيّه واليتم يكسي جسدها
ويستر حزنها ثوب العفافي

طلبتك يابحر خلك سندها
ولاتغدر بها خلك سنافي

ترى هموم البشر تفرق وتفرق
هموم ثقال وهموم ٍخفافي

وهي من همسها واضح وباين
تبي تشكي لك سنينا عجافي

وحاول تسمع اللي لك تقوله
وحاورها بذوق والتطافي

طلبتك لاتخيب من املها
ولاترجع عليها بانعكافي

واذا شفت المدامع من مقلها
بموجك قلها يا... كافي

سكن همك روحي واستريحي
ترى همومك بعون الله عوافي

دمتم بخير,,

مشكوررر صاحب السمو تقبل مروري